La Usc di Ladins

Saede che che l’é MIC? Mens sana in corpore sano, scrivea Giovenale e no serf esser dotores per entener coche na ment sèna posse didèr a na vida positiva a fèr doventèr nosc corp più fort e bon de se parèr dai ataches virai. Se rencurèr vel dir se enjignèr la èrmes per combater l Covid-19 endèna l’emergenza, ma ence dò, canche podessa vegnir fora desturbes da stress e per chest l’é nasciù MIC, l virtual coach per aer azess semper e daperdut ai miores protocoi de psicologìa, coaching e medejina.

Dut l’é pontà demez da na idea de Matteo Piazzi, n joen de 26 egn da Moena, che à metù sù la startup Moonly, che se bat contra stress, ansia, deprescion, dificoltà a dormir e zomp raport col magnèr. Ascort ai mudamenc sozièi e ai besegnes de la jent, te pech temp Matteo l’à volù meter ensema ence na equipe de psicologs e dotores per ge dèr vita belapontin a MIC, l prum Health Pocket Coach.

MIC vegn sport per nia per dut l temp de emergenza da coronavirus e l sporc ence n suport con musega, meditazion, moviment, rezetes de cojina, tecniches de respirazion, yoga del grignèr e auter per se sentir miec.

Per n saer de più e durèr MIC se pel jir tel sito www.moonly.it.

De più su La Usc stampèda de vender ai 24 de oril 2020.

 (Monica Cigolla)