La Usc di Ladins

Al é passé n ann da la gran festa ladina sun Ciavazes, che a 70 agn dala pruma gran bineda di Ladins sul Jouf de Sela ova dì fora ciamò n iade adaut la volonté de unité dl popul ladin.

Chest isté, ti dis de mez messel, vuel la Union Generela di Ladins onoré persones che à dat n contribut sterch, con dedizion, determinazion y convinzion, a arjonje i fins soziai dla soziazion de duc i ladins y laudé si impegn tl ciamp dla cultura ladina, dla sconanza y dla promozion dl lingaz y dla cultura ladina.

L program pieia via da les 17.00 tl Salf dles Manifestazions de Corvara, con l salut y rejonedes dles autorités.

Dapò ti vegnarà sourandé les onoranzes de merit a: dr Lois Trebo – president de onour y ai comembri de onour dr Carlo Willeit, dr Lois Craffonara e Benigno Pellegrini.



La laudazions di cater comembri de onor vegnarà tegnudes da:dr Giovanni Mischi; Hubert Dalponte; prof. dr. Paul Videsott y Stella Palla.

La festa vegnirà viventeda da na bela cornisc musicala con laUniun Bal Popolar dla Val Badia, la mezsopran Sabina Willeit, la musizista Maria Craffonara y l Cor Fodom.

La festa vegnirà sareda su con l Inn Ladin “Bel lingaz dla uma cara” cianté da duc deberieda (l publich giatarà sun l scagn l foliet con l test dla ciantia) y con n renfresch.

Duta la popolazion dla Ladina y duc i interessés ala cossa ladina é envié bel a tò pert.