Bornech - Val Badia: corieres vigni mesora

Data

12 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Novités por le trasport publich tl Südtirol, cun mudaziuns de orars y linies ince tles valades ladines.
Da mez jügn inant él valgünes mudaziuns tl trasport publich dl Südtirol: danter chëstes él ince novités tles valades ladines. Por ci che reverda la Val Badia, vëgnel potenzié la linia 465 danter Corvara y Falzares, sciöche ince la 460 danter Bornech y Val Badia. Dai 30 de jügn cina ai 30 de agost gnarál pité en pert na coriera vigni mesora.
Plü novités él te Gherdëna: la linia 170 Balsan-Ciastel-Porsenú/Urtijëi vëgn partida sö: dai 16 de jügn inant él ma la linia Balsan - Ciastel - Porsenú. I coliamënc vigni ora danter Ciastel y Urtijëi vëgn surantuc dala linia nöia 172. Les corieres sajonales danter Urtijëi y Sëlva ciafa sëgn ince d’isté süa numera - la 352 - y vá dai 23 de jügn ai 13 de otober, tratan che i orars dles corieres locales a Urtijëi (linies 355 y 356) vëgn adatá ala linia nöia nr. 172. Por via de laurs sön strada él ince novités por le bus da d’isté Sëlva/Santa Cristina, che ciafa na trassa nöia y rovará - sön domanda de comuns y assoziaziuns turistiches - ma plü cina ala fermada Puzé y nia cina Cristauta. Nia inultima él ciamó i coliamënc cun coriera da Gherdëna söi jus, che á bele metü man ai 9 de jügn y é gnüs renforzá.  (pablo)