Comentar de pruma

Data

12 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tres plü y plü
Braies á messü dí »basta«, por auti, motors, sciori y coriusc. Le reclam che »Un passo dal cielo« porta vá porsura. Chiló passenëia spo la storia dl aprendist striun (»Der Zauberlehrling«) de Goethe, che dij n cer momënt: »Die ich rief, die Geister,/Werd ich nun nicht los« – risses deventades conesciüdes desco alegoria por »i bâi che i á cherdé, ne sunse nia plü bun da desgorje«.
Braies s'á stlüt al trafich ai 10 de messé, y restará stlüta cina ai 10 de setëmber, vigni de dales 10:00 ales 15:00. Le lech idilich vára ma plü da arjunje cun corieres (che passa vigni mesora), a pe o söla roda.
Tl isté dan dui agn rovâ chi 7.000 auti al de cina al lech a pe de Sas dla Porta, l'ann passé chës 10.000 porsones cuotidianamënter.
Braies é na valada alpina danter d'atres che dij »stop« ai auti y motors. Manajadus dl turism che ciara danfora y veramënter ales Dolomites – Unesco tira n'atra cherta, chëra dl »numerus clausus«. Chësta n'é nia na utopia, tres plü comuns dla Sardegna stlüj certes spones dal mer zercades do n tot de ghesć y damana n scioldo d'azes sciöche da jí al chino.
Val' é sigü: le jí en vacanza crësc, dantadöt tl'Asia, olache al vir miliarg de porsones! Aspetunse a chëres, che i orun alzé – por ejëmpl – a Corvara le numer de lec de bëgn 1.100 unités?  (de Iaco Rigo)

Galaria retrac