“LADINIA MEETS JAPAN”

Data

12 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Cunzert de Karin Nakagawa y Jean-Daniel Granruaz cun undesc pec de mujiga, cumpaniei da chedri video. N dumënia ai 14 de lugio dala 20.00 tl Palaz di Cungresc a Urtijëi. Ntreda debant.

N ucajion dl Di dla Unità Ladina iel n dumënia ai 14 de lugio dala 20.00 la prejentazion dl proiet “LADINIA MEETS JAPAN”, tl Palaz di Cungresc a Urtijëi.

Te chësc proiet vëniel metù adum la mujiga tradiziunela ladina cun meludies iaponejes, te n proiet plu lerch che uel paredlé doi cultures, chëla ladina y chëla iaponeja. Cun gran plajëi possa la Union Generela di Ladins dla Dolomites lauré deberieda cun i doi mujizisć Karin Nakagawa y Jean-Daniel Granruaz. Ntan la sëira uniràl purtà dant plu pec de mujiga di doi artisć. La vijuela sun palch y la vijualisazion dla performance ie de Tobias Tavella.

Davide Grotta mustrerà n film ntroduzion dl proiet, cun nrescida y documentazion. Grotta tulerà su ntan la sëira n film dla performance te Cësa di Cungresc a Urtijëi, nsci da documenté nce l’ultima fasa dl proiet, chëla dal vif.

L respunsabl dla tecnica audio y dla lums ie Benedikt Valentin (Benni). La muderazion ie de Jasmin Ferdigg.

Ala fin ie duc nviei al renfrësch y a sté deberieda ntan mpue’ de aurela curta. La ntreda ie debant. Duc ie nviei de cuer a unì ala sëira.



FOTO: Karin Nakagawa y Jean-Daniel Granruaz sona n dumënia a Urtijëi (foto: ©Daniel Töchterle).

Galaria retrac