I resultac dl ann de scora

Data

15 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I assessurs por la scora y i suranstanc scolastics á presenté incö ai 15 de messé a Balsan n bilanz dl ann de scora pormó jü a piz
Iniann á la conferënza stampa tradizionala dl fin dl ann de scora metü man cun n’introduziun da pert di assessurs por la scora ladina Daniel Alfreider, por la scora todëscia Philipp Achammer y por la scora taliana Giuliano Vettorato. L’assessur Alfreider á sotligné por l’ocajiun "l’importanza da svilupé inant trëi pilastri fondamentai de nosta scora ladina: da öna na pert l’insegnamënt dla cultura y dl lingaz ladin adöm cun le sostëgn dl plurilinguism, mo ince la introduziun de na relaziun strënta danter le monn dl laur y dla scora", insciö Alfreider. Les mitans y i mituns dess bele ti pröms agn de scolina y scora rové en contant te na manira plajora cun la pratica. "N ater pilaster che i orun ince svilupé inant te na manira scientifica é le plurilinguism cun stüdi y inrescides che se mostra sö i punc de forza dla didatica integrada, mo ince olache i podun ciamó otimisé l’insegnamënt", insciö Alfreider.
L’intendënta Edith Ploner á presenté i dac di ejams dla scora mesana y alta, sotlignan "che i resultac é te n trend positif valgamia en continuité cun i agn da denant che confermëia la buna preparaziundles scolares y di scolars, che s’arjigna ca adöm al gran aiüt dles insegnantes y di insegnanc a chësta proes de contlujiun dl percurs formatif". La Intendënta á spo ince presenté i dac dles scores ladines.


Scores altes: Le 96,62% di studënc y dles studëntes é passá, 41 de chisc messará ciamó recuperé n valgönes materies, 17 é tomá. Por chi dla maturité á düc i 101 candidac dles scores altes á passé l’ejam de maturité, tratan che dui n’é nia gnüs ametüs. Trëi studëntes á arjunt la nota plü alta de 100 punc (öna cun lalt): Nadja De Nicolò dla Scora d’Ert Cademia, Jessica Mauroner tl ITE Raetia y Silvia Pizzinini dles Sciënzes Umanes a La Ila.
Scores mesanes: Tles scores mesanes él 775 scolares y scolars che é passá, depero che 9 ne ti l’á nia fata. Pro l’ejam de terza mesana á düc i 262 scolars ametüs ciafé n arat positif: te 7 caji él gnü assegné n "diesc cun lalt", deperpo che dui scolars n’é nia gnüs ametüs al ejam de conclujiun.
Scores elementares: Tles elementares é 1.136 scolars passá ala proscima classa, ma 1 é resté zoruch.
Scolina: Tla scolina án albü danter Gherdëna y la Val Badia indöt 706 mitans y mituns.  (osp/pablo)