Passa 100 domandes

Data

23 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Consulta Culturala Ladina dl Südtirol á albü da ejaminé na dërta cumpëda de proiec culturai ladins
Cotanc é i proiec rová sön mësa dla Consulta Culturala Ladina, che é metüda adöm dal assessur Daniel Alfreider sciöche presidënt, spo Ludwig Rindler, Konrad Tavella, Christa Kasslatter y Sabeine Piazza. Te na pröma sentada de ma él gnü valuté 83 domandes de contribut menades ite da organisaziuns culturales ladines. Sciöche la Provinzia scrí te n comunicat, él preodü por proiec, manifestaziuns y ativités culturales tles valades ladines 183.600,00€, por investiziuns tl ciamp cultural 66.500,00€.
Sëgn vëgnel ciamó 38.230,00€ lapró por les organisaziuns culturales ladines. L’edema passada é la Consulta rovada adöm a Picolin, olache al é ciamó gnü valuté 19 domandes. L’assessur Alfreider vëiga n "bun sëgn, che tan de uniuns volontares, mo ince tröc jogn laora fora proiec creativs y se dá jö cun la valorisaziun dla cultura ladina". Bele chëstes edemes - dij inant l’assessur - él sides te Gherdëna co tla Val Badia na linia de proiec musicai, culturai y artistics: sciöche ejëmpli tolel la mostra SMACH a San Martin, Unika a Urtijëi, le proiet "Sasmujel" o le festival de Badiamusica.