Le tëmp te n click

Data

23 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Eurac Research á lauré fora n’aplicaziun olache an pó jí a se do i dac dl tëmp y dles plöies ti ultims trëi agn
Por düc chi che s’interessëia de tëmp y temperatöres, él sëgn na poscibilité nöia. Eurac Research á arjigné na aplicaziun sön computer che se tlama "Meteo Browser South Tyrol". Cun chësta án la poscibilité da jí a ti ciaré ai dac dl tëmp de dles staziuns meteorologiches dl Südtirol. "Te döt Südtirol él 119 staziuns dl tëmp. L’anuzadú dla app pó se desćiarié i dac de dötes les staziuns, o ince limité aladô de n raiun definí o de cer’ criters, sciöche p.ej. dötes les staziuns sura i 2.000 metri", dij Giulio Genova, che á svilupé la app. L’aplicaziun é por todësch, talian y inglesc y ara píta la poscibilité da ti ciaré ai dac di ultims trëi agn. Lapró calcolëiera ince i valurs mesans, p.ej. sön basa mensila o ince dl dé. Genova spliga inant: "I dac ê bele a desposiziun sön le portal ’open data’ dla Provinzia, mo al orô ester conescënzes informatiches speziales por i desćiarié. Sëgn pó vignun rové pro chisc dac cun püc clicks."
Danter i dac che an ciafa sön chësta aplicaziun alda sambëgn la temperatöra, les prezipitaziuns, l’umidité dl’aria o le vënt, mo ince l’altëza dla nëi, les ores che al dá sorëdl y d’ater. Chi che ó la savëi plü avisa, pó porchël cuché ite sön http://meteobrowser.eurac.edu/app_direct/meteobrowser/

Deplü é les staziuns ladines: tla Val Badia él chëra de Pisciadú, Piz La Ila y San Martin de Tor, te Gherdëna chëra de Sëlva y de Pontives.
Sodesfaziun por l’aplicaziun mostra ince Luca Maraldo - tecnich dl ofize idrografich dla Provinzia de Balsan: "Al é bel che da nosc portal él nasciü n sorvisc d’öga por düc. Chësta aplicaziun mostra ci che al se lascia fá, sce l’aministraziun publica mët a desposiziun sü dac por i zitadins."  (pablo)

Galaria retrac