Se mever en segureza tel zenter Fascia

Data

07 de setember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Massimo Girardi à documentà, ence con retrac, la situazions pericolouses per chi che va a pe fora per i paìjes de Vich, Poza e Pera
L besegn de sostegnir na mobilità alternativa a l’auto, col jir a pe, durèr la roda o i mesi publics, o ence col projet Pedibus, se troa a cogner fèr i conts con n teritorie che l’à fat n muie per favorir la mobilità con l’auto e che massa de spes l’à desmentià de ge dèr lèrga e segureza a chi che va e pe e con la roda. L’analisa te chest cajo te val de Fascia moscia situazions de ezelenza ma ence situazions critiches adertura tel medemo paìsc.

Marciapé che mencia, o con demò n toch o che se fenesc fora de n bel nia, traversamenc sun strèda ben segnalé con la strisces su l’asfalt, i segnèi verticai con lumes de net. Te etres caji  marciapé massa strenc o con cordoi beleche a livel de l’asfalt, fermèdes di mesi publics zenza cuert, magari sun or de strèda. Da meter al luster che ence per chel che vèrda la pista per la rodes, tel zenter Fascia, o la mencia, desche per l coleament anter Vich e l fon de val, o la va sun stradon, con pericol per i ziclisće biteboi per la circolazion di auti. L zenter Fascia, per duta chesta situazions, l’é la zona più pericolousa e chiò ge volessa entervegnir sobito. 

Chest l’é chel che vegn fora da na analisa puntuèla che à fat Massimo Girardi, president de la sociazion Transdolomites, che é jit fora per i paìjes de Vich, Poza e Pera, sul tegnir del Comun de Sèn Jan per documentèr ence con retrac, la situazion de strèdes, strisces, marciapé e lumes.

Su la Usc nr 35 stampèda ai 6 de setember troède l'articol entriech  (Monca Cigolla)