Temp de finanziamenc per la sociazions

Data

12 de setember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L termin per portèr dant la domanes te Comun general de Fascia chest an l’é ai 16 de setember
L Comun general de Fascia ge fèsc a saer a la sociazions culturèles e de delet del teritorie che ai 15 de setember va fora i termins per portèr dant la domanes sul Pian de Politica Linguistica 2020. Chest an chesta data l’é na domenia donca l termin l’é en lunesc ai 16 de setember.

Se enteressèdes, chesta realtèdes pel domanèr n finanziament per ativitèdes ordenères o per scomenzadives da meter a jir via per l’an 2020 che les abie l’obietif de stravardèr l’identità, l lengaz e la cultura ladina. 

L formulèr per la domana l’é da poder desćiarièr sul sit del Comun general olache se pel aer ence autra informazions e schiarimenc opura se pel chiamèr l’ofize linguistich al numer de telefon 0462 764500 int. 4. 

N’outa scrit ite l formulèr l’é da ge l manèr tras mail a la direzion cultura@comungeneraldefascia.tn.ito se pel ence l portèr a man aló dai Servijes Linguistics e Culturèi del Comun general che i é a la leta dal lunesc a la jebia da les 8:30 a les 12:00 e da les 14:30 a les 16:30 e de vender da les 8:30 a les 12:00.