Comentar de pruma

Data

06 de setember 2019

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N dotur al post de asfalt
Confronté le sorvisc da dotur di mituns cun n tru d’asfalt nü pé fora de schedra o banal. Trames les materies adorunse indere sciöche »pars pro toto«, por n’en baié n iade publicamënter dles desfides che la Val Badia á. Y chiló ne vára nia da lascé a pert la politica, ajache politica é dessigü ince »posć da dotur« y »asfalt« – sciöche i odun de por de.
L’impuls vëgn da na lëtra publica-da dan otedé te chësc foliet, dal titul: »Ci fá por plü nasciüdes?« de Marina Crazzolara, che mët sön mësa n problem che n’é nia ma sintí te nostes valades, mo te döta la Talia olache la popolaziun cara, por de vigni sort de gaujes – danter chëstes ince les nasciüdes che vá tres plü y plü zoruch. Al é pö
vëi, tröpes aziuns por mené do plü nasciüdes y families ess la politica tla man, avisa sciöche ara á tla man l’asfaltaziun de strades y trus te nüsc bi posć y tla natöra.
La Val Badia adora plü mituns – dantadöt te chi paisc che se spopolëia plan plan y olache la jënt vëgn plü vedla. Bëgn, spo oressel ince ester te chisc paisc i sorvisc de basa: na botëga, na banca, na posta, na apoteca, na scolina, na scora elementara, na ostaria, na biblioteca... n dotur... spo magari foss chësc pice paisc na ocajiun por vire chiló cun na familia jona y ponsé a plü mituns. Da chëstes discusciuns sunse ciamó dalunc, o al vëgn al plü ma baié tresfora tles stües de comun impede intervegní! Tl medem tëmp pél tosc fat da tó dezijiuns de laurs y proiec, de raiuns da cubatöres residenziales, y inftrastrotöres. Chisc dis él a Badia y Corvara de gragn discusciuns – sëgn do la sajun da d’isté á pö jënt dlaurela – por la strada dla roda asfaltada nöia che dess gní realisada i agn che vëgn danter Badia, San Ciascian y Corvara, y che dess costé deplü miliuns de euro (6 indöt?) de scioldi publics. Unse miliuns por asfalc y strades nöies, mo nia plü por n dotur di mituns? L’Ombolt Iaco Frenademetz nes á dit te na intervista che l’Alta Badia stlopa tosc te döta la infrastrotöra por tres plü lec y sciori, ci dëida pa la roda?  (de Iaco Rigo, redadú)