Aiut a la sociazions de volontariat

Data

15 de setember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L conseier provinzièl Luca Guglielmi à fat na interogazion te Consei per domanèr che vegne agevolà l’endrez di evenc   
Te chisc ultimes meisc la sociazions de volontariat e i comitac manifestazions à palesà più che n’outa i problemes leé a l’endrez di evenc soraldut per chel che vèrda la normativa n muie strenta de l’anti terorism. Ence sun chest sfoi aon tratà l’argoment col sentir diretamenter la oujes che chi che à te man l’endrez de chesta scomenzadives. 

De chest aspet se à cruzià ence l conseier provinzièl ladin Luca Guglielmi che enstadì à fat na interogazion te Consei provinzièl al president Walter Kaswalder, con domana de aer sobito na resposta. 

“Conscridrà l patrimonie del volontariat trentin – l’à dit Guglielmi – e di evenc storics e cristiegn che caraterisea nosc teritorie, per schivèr che per via de na legislazion massa strenta pissèda a livel nazionèl, che peisa ence a livel local, vegne lascià sù l’endrez de l’ativitèdes de volontariat, domane a l’assessor provinzièl competent se no l peissa che chesta lege sie massa pesoca e se, tel cajo, coluna azions che la Jonta enten portèr dant ence ti confronc del goern de Roma per agevolèr, te l’endrez, i momenc de fradaa, de devertiment e de festa de la comunanzes trentines.”