Deric e doeres de la comunanzes de mendranza

Data

17 de setember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L Comun general de Fascia, con la responsabola di Servijes linguistics e vize presidenta de l’NPLD Sabrina Rasom à metù jù ensema a la Scola n projet per ensegnanc e studenc sul valor di lengac de mendranza
L Pian organich di intervenc de politica linguistica e culturèla per l’an 2019 del Comun general de Fascia perveit anter l’auter ence projec de cooperazion a la rei europeèna NPLD (Network to Promote Linguistic Diversity) a chela che l Comun general tol pèrt dal 2014 desche raprejentant de la mendranza ladina de la Provinzia de Trent che la é comembra de pien derit de la rei. 

L’NPLD colabora col Consei de Europa per sensibilisèr e engaissèr i Stac membres a la ratifica de la Chèrta europeèna per i lengac regionèi o de mendranza. Al scomenz de chest an l Consei d’Europa à portà dant te chest chèder la »Classroom activities – European Charter for Regional or Minority Languages«, che fossa na lingia de ativitèdes didatiches che revèrda la Chèrta europeèna di lengac regionèi o de mendranza. Da dir che jà endèna la redazion de la ativitèdes didatiches, de november de l’an passà, la responsabola di Servijes linguistics e culturèi e vizepresidenta de l’NPLD Sabrina Rasom à endrezà na scomenzadiva de arvejinament a chest strument didatich a favor de dotrei ensegnanc de la Scola Ladina de Fascia con chi che la é stata ence a Strasburg per na scontrèda de cognoscenza e aprofondiment de la ativitèdes didatiches, con chela de envièr via n projet de doura de chest strument te la scola de Fascia. Chesta scomenzadiva é stata touta sù con gaissa dai ensegnanc touc ite tel projet, che i à scomenzà sobito a lurèr te la scola sun chest argoment.

Ajache col 2019 l’NPLD met a la leta ence finanziamenc per endrezèr projec de politica linguistica, la responsabola Sabrina Rasom à lurà fora e portà dant n projet anuèl de sperimentazion de la ativitèdes didatiches da titol »Pilot project putting into practise a part of the Classroom activities of the European Charter for Regional and Minority Languages«, da portèr dant te la Scola Ladina de Fascia, che é stat aproà dal Consei de procura del Comun general de messèl de chest an. A la fin de aost l’é stat aproà ence la partezipazion da man de la Scola Ladina.


De più su la Usc nr 36 stampèda ai 13 de setember  (Monica Cigolla)