Te Südtirol: Proa de proteziun zivila

Data

07 de otober 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En jöbia ai 10 d’otober danmisdé sarál da aldí te döt Südtirol les sirenes, mo al é ma na proa
Por ester arjigná canche al caje tla realté, vál ince debojëgn da porvé. Rodunt porchël gnarál l’edema che vëgn fat na proa d’alarm de proteziun zivila, plü avisa en jöbia ai 10 d’otober do les 10:00 danmisdé. Iló aldiarán te döt Südtirol la sirena por n menüt, cun le son che s’alternëia. Chësta proa é na manira por ti fá conësce ala jënt dl post mo ince ai ghesć le segnal dla proteziun zivila. La jënt dess taché ite le radio, mo NIA cherdé sö i numeri d’emergënza. Informaziuns sön la proa ciafon tratan i orars d’ofize al numer 0471 416040 o te internet sot a
www.provinz.bz.it/zivilschutz

Y sce al foss n iade le caje real?
Sciöche dit, se tratera en chësc iade ma de na proa. Mo ci desson pa fá sce al ess da ester n alarm por davëi? Te chësc caje – tan co sce an alda por n menüt le sonn dla sirena che s’alternëia sö y jö – desson atira jí te ciasa o te n frabicat a chirí sconanza. Sce an é bele te ciasa, desson stlü portes y finestres y destaché fora implanc d’ariaziun. Dedô desson taché ite le radio o la televijiun, o ince jí te internet sön la plata civis.bz.it. Chisc media é liá al sistem d’informaziun por la popolaziun, tres chi che la proteziun zivila informëia la jënt sön ci che al é sozedü y informëia ince sön ci che al é damí da fá. An dess a vigni moda se tigní ales desposiziuns, por ne se mëte nia instësc o d’atri al prigo.  (pablo)

Galaria retrac