Ma plü 600 parlamentars

Data

09 de otober 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L Parlament a Roma á deliberé inier n smendriment di deputac y senatours, arbassan l numer complessif di mandatars tles does Ciamenes a 600, fazit: la Ciamena passa da 630 a 400 y l Senat da 315 a 200.
Per l’ultima lita preveduda (sun 4 endut), steda en mertesc tla Ciamena, é stés a una 553 deputac, 14 é stés decontra y demé doi s’á astenú. A chesta maniera é la reforma costituzionala prejenteda y maneda inant dal Moviment 5 Steiles lege. »Al é n di storich per la Talia«, chest l coment de Luigi Di Maio, portaousc y minister di 5 Steiles. »Con chest prum vare se deura l troi dles reformes dl Stat« á dit l sotsecreter a la presidenza dl Consei di ministri Riccardo Fraccaro. Na spada de Democles sun la reforma podessa ester l’abineda anunzieda da valch politich de 500.000 firmes de zitadins chisc trei meisc per avié n referendum che anuleia la »lege« touta tl Parla­ment. 

Al é sté na maioranza trasversala (nia demé dai partis al govern), sen ti spétel a maioranza y oposizion da laoré fora na reforma dl sistem y dert de lita. La Costituzion dla Talia á debojen de na revijion sostanziala.

 (Iaco Rigo)