Maratona dles Dolomites: tosc les preiscriziuns

Data

12 de otober 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ai 15 d’otober mët man les preiscriziuns por la ediziun nr. 34 dla Maratona dles Dolomites. Le tema chirí fora por l’ann che vëgn é "Ert".
La Maratona nr. 34 gnará desfirada la domënia ai 5 de messé 2020, en chësc iade sot al tema Ert: "intenü sciöche forma de belëza che vá sura l’uman, sura nos instësc fora", scrí i organisadus te n comunicat. Les preiscriziuns por la Maratona 2020 podarán fá danter i 15 d’otober y i 5 de novëmber, ma sön le sit www.maratona.it. Do mez novëmber gnarál spo trat ala niza les ziclistes y i ziclisć che ará la ocajiun da pedalé prö öna dles Granfondo plü spetacolares dl monn. Le limo di partezipanc é indô fissé sön 9.000 porsones: 4.400 posć gnará trac ala niza danter düc chi che s’á anunzié danfora, i atri posć i speta a chi che pó tó pert de dërt y chi che cumpra n pachet de vaganza de altamo 4 nöts tres le tour operator ofizial Holimites. Al sará spo ciamó les iscriziuns de benefiziënza a n prisc plü alt, che vëgn venüdes sön le sít dla Maratona ai 25 de novëmber 2019 y spo ciamó ai 25 de merz 2020.  (pablo)