Cèsa de Paussa e comunicazions de mendranza

Data

17 de otober 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’é i argomenc de na interogazion e de na mozion portèdes dant dal conseier provinzièl ladin Luca Guglielmi che é states aproèdes
Acà vèlch setemèna la Cèsa de Paussa de Sèn Jan ge aea domanà aiut al Comun general de Fascia per troèr cartieres per i infermieres che no stèsc te val ma che à troà lurier o podessa l troèr te la RSA. Chest ence per ge fèr front al problem de la mencianza de personal che era stat metù al luster en ocajion de la vijita di raprejentanc istituzionèi provinzièi stata enstadì a Sèn Jan.

I cartieres a fit te Fascia i costa n muie e i infermieres de spes i renunzia al post de lurier chiò percheche no i pel se permeter de paèr l fit. L Comun general, col didament del Conseier de procura a l’ativitèdes sozio-assistenzièles Gianluigi De Sirena, à tout sù la domana e l’à troà sobito na soluzion de gra a la desponibilità de l’Aministrazion de Comun de Sèn Jan, che é a la leta per meter a desposizion la Ciasa Cantoniera olache l’é doi cartieres che era stac metui a post per i imigré. Ades no l’é ite nesciugn ajache l projet de azet l’é stat serà sù, donca i podessa vegnir metui a la leta di infermieres. La proprietà de la cèsa é de la Provinzia e dachelanvìa Guglielmi à fat na interogazion te Consei provinzièl per saer se l’assessor competent enten se ativèr per destinèr chesta strutura ai besegnes de la Cèsa de Paussa. A l’interogazion à responet sobito l’assessora a la sanità Stefania Segnana che à confermà la volontà de la Jonta de meter a la leta al più prest i cartieres te Ciasa Cantoniera per i infermieres de la RSA de Fascia.

Enstadì l Consei provinzièl à ence aproà na proponeta de mozion che l conseier Luca Guglielmi aea prejentà amò a la fin de jugn olache l domanèa che la Provinzia tegne cont di mesi de informazion de la trei mendranzes linguistiches del teritorie e che la se dae jù percheche la comunicazions vegne dates fora ence ti lengac ladin, mochen e cimbro.

De più su la Usc nr 41 stampèda ai 18 de otober  (MCI)