N pest per la pèsc ruà te Fascia da Sansepolcro

Data

08 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Na joena fascèna à vent n concors nazionèl endrezà te la zità de la Toscana con sia tesi de laurea dedichèda a la riconciliazion e la ressoluzon no violenta di conflic
L’é stat na joena da Poza, Nadia Cadrobbi, a se vadagnèr l’edizion 2019 del pest nazionèl »Angiolino Acquisti«, sport da la Sociazion Cultura della Pace e da la Sociazion culturala Angiolino Acquisti, adum con l’Assessorat a la cultura del Comun de Sansepolcro e la sezion ACLI Adriano Olivetti.

Chest pest vegn dat a tesi de laurea magistrala che à desche argoment la pèsc e la noviolenza e chest an, anter i 18 lurieres rué ite da universitèdes de duta la Tèlia, a se vadagnèr l stipendium de 1000 euro l’é stat la tesi »Riconciliazione e perdono come principi della giustizia riparativa e della risoluzione dei conflitti. Le esperienze in Kossovo e Albania con Operazione Colomba«scrita apontin da Nadia per sia laurea spezialistica a la Facoltà »Lavoro, cittadinanza sociale, interculturalità« de l’Università de Unejia.

La Comiscion, con l pazifist Tonino Drago, espert de defendura populèra no violenta, Raul Caruso, dozent a l’Università Cattolica de Milan e tel diretif del World Research and Peace Science Center di USA, Elena Camino, dozenta a Torin eativa te la sociazion gandhiana ASSEFA e la venjidores del pest ti egn passé, à premià la tesi de la joena fascèna con chesta motivazion: »L’idea de giustizia reparativa che rua a compiment travers la mediazion doventa esperienza de riconciliazion e la tol ite, apede a la vitima e al colpevol, duc i atores de la mediazion e duta la comunanza. A chesta vida la giustizia reparativa va aldelà de l’idea de perdonanza per troèr na foja concreta te percorsc neves de umanità che fossa stac segur aprijié da Angiolino Acquisti.«


Su La Usc nr 44 stampèda ai 8 de november l'aprofondiment su la consegna del pest e la testimonianzes de Nadia Cadrobbi e Carlotta Sami  (LG)