Comentar de pruma

Data

15 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Al podess nes jí sö na löm plü gonot, no impormó canche chësta é rota
Le mer vá porsura a Aunejia y Caorle, l'ega sbroca ite tles ciases, ti bars, ti hotí. Al é n gran spavënt, spordüdes y danns. Plü a Nord, tles Dolomites, plöiel y nëiel da dis, i paisc y comuns ne pordüj nia do da tigní davertes y transitables les strades prinzipales. I viun condiziuns de emergënza, i sorvisc fondamentai ne pó nia plü gní garantis indlunch y assá: viabilité, forza eletrica, telefon. Canche i viun sön nosta pel - y nia ma tres les notizies söi atri tla televijiun - chëstes precarietés, savunse da ester feribli y pici, defrunt ales gran forzes dla natöra. Chëstes reflesciuns pé indó n iade n bel gran moralism, mo sce, spo podessel insigné: che degügn sorvisc publics n'é automaticamënter chiló, che avëi la löm y l'auto é n bëgn, che le smart é na comodité... Messëi passé n de te ciasa zënza forza eletrica te insëgna da aprijé le sorvisc y la gestiun dl sorvisc, scebëgn che döt é chit y i sun ma plü de te' meses porsones. Insciö se stára ince cun les porsones incër nos ia: cina che ares é chiló vá döt bun, y i zibicun cinamai. Mo sce ares ne foss teniade nia plü? O sce i pordesson adöm cun ëres da n de al ater nosc alberch, por na catastrofa naturala? Iló ponsasson spo atramënter, y cun respet a düc y döt. Al podess nes jí sö na löm plü gonot, y no ma canche chësta é rota!  (de Iaco Rigo)

Galaria retrac