Comentar de pruma

Data

29 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Recunescimënt
N sada dan otodì iel unì lecurdà doi ntraunides storiches mpurtantes, una negativa, una positiva: l Tratat de Saint Germain dan 100 ani, ulache l Tirol ie unì despartì dal'Austria, y l Pachet de dan 50 ani cun si mesures de scunanza per i tudësc y na pert di ladins. A Dorf Tirol se à ancuntà i doi presidënc dla Talia y dl'Austria, Sergio Mattarella y Alexander Van der Bellen.Danter la puecia persones nviedes fòvel nce espunënc ladins, mé per dì l assessëur Daniel Alfreider, l ex assessëur Florian Mussner y la presidënta dla Union Generela di Ladins dla Dolomites Milva Mussner. Da auzé ora posi­tivamënter ie tlo la sensibltà da pert dl presidënt dla Provinzia Arno Kompatscher, che à ulù, scebën che l fova mé tan puec nviei, che l fossa leprò nce Milva Mussner. N nvit persunel, che à si cuntenut y si fazion plu sterscia tla cunscidrazion dla lia de chëla che Mussner ie a cë, la Union Generela di Ladins dla Dolomites. L ie n recunescimënt dla ncëria mpurtanta dla Union Generela, che se cruzia dl mante­nimënt y dl svilup dla rujeneda y cultura ladina, for te n cheder uniter, cialan de scumenciadives y ativiteies che tole ite la cin' Unions di Ladins de valeda, y nscila duta la jënt dla Ladinia, fajan cumenanza, coejion soziela, coche n dij.
L nvit dla Generela ie na des­mustrazion sëuraprò da pert de Kompatscher de ulëi cunscidré tla drëta maniera la mëndra y plu vedla mendranza de nosc raion. Nce sce la prejënza de Milva Mussner ne n'ie nia unida auzeda ora dai media publics ladins, cieche ie da muië, réstel n mumënt mpurtant, che ulon auzé ora te nosta zaita. Dlongia l aspet simbolich sterch ti vàl l nvit, ala istituzions provinzieles, regioneles y stateles dla Talia y dl'Austria, de se cruzië te tëmps plu curc che la mesures de scunanza che ie bele vënie slargëdes ora per duc i ladins y che l vënie inant fat i - nia puec - vares legislatifs che va mo for debujën per ti garantì ai ladins che i posse resté inant ladins, cun si rujeneda y cultura.  (Comentar de David Lardschneider)

Galaria retrac