La Usc di Ladins

Les ultimes noeles baia che le föm di gragn mesdefüch tl Süd-Ost dl’Australia é gnü porté cina tl Cile y tl’Argentina (chi 11.000 km sura le Pazifich). La catastrofa á borjé y vardü jö chi 110.000 km2 de bosc y ciampoprá, na spersa tan grana desco Bayern y Baden-Württemberg adöm. Chës 30 porsones á pordü la vita. I stodafüch locai y chi gnüs da foradecá de süa bona é de y nöt en aziun. I ultimi dis él tomé val’ plöies y les temperatöres é carades de val’ gre, mo dedó él indó gnü le gran cialt di 40 gres. Le WWF á baié de 1,25 miliarg de tiers che á messü lascé süa vita: danter chisc miliuns de coalas y cangurs. I füc podess doré ciamó mëisc, se tëm la popolaziun. Tres plü y plü prominënc da döt le monn aviëia aziuns de solidarieté a bëgn dla Australia y süa jënt. Al é na catastrofa che á bele sëgn sües conseguënzes sura le Pazifich fora.

 (Iaco Rigo)