Na politica nöia

Data

17 de jené 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Comentar de pruma
En chësc ann d'aisciöda él lites ti comuns ladins dl Südtirol. Val' é sigü: i comuns ne pó nia plü se pormëte da fá inant la politica falimentara en cunt dl frabiché por nosta jënt! I sun bele tan inant che i badioc mosöra sü paisc cun Cortina d'Ampëz, ajache i prisc di terac y dles abitaziuns é tan alc che nosta jënt n'á nia le mö' da i paié. Al n'é daldöt nia vëi che i comuns y ombolc ne pó fá nia cuntra chësc svilup y chësta tendënza, ai á competënzes assá dades dala lege por nia tomé te na maiú svenüda y speculaziun.
Nia da crëie n'é la situaziun p.ej. tl comun de Badia, olache asse­gnatars de grunc da frabiché alisiré n'á nia le mö' da mëte man o da rové, y chi che ess le mö' (de davagn mesan-alt) ne sciafia nia (urbanistica­mënter) da ciafé n toch de terac por süa pröma abitaziun! Sunse bele tan inant che nüsc grunc y nüsc cuatiers é ma plü ogec de investiziun y nia de vita? Dal bunsëns y dala cosciënza politica locala infora messass n Co­mun ester al'altëza da respogne ai debojëgns de süa jënt por la costru­ziun dla pröma ciasa. La pröma ciasa é n dërt! Sciöche la familia. Ara vá ince da ciafé soluziuns tecni­ches y deviaziuns normatives por amplié hotí, dites, üties de munt... realisé na man de chalets che é intere­ssanc plü por gní venüs co por funzioné da hotí o residences! Orunse jí inant insciö? Jan inant cun la politica di ultims 20 agn ne dorarara nia di che Corvara y Calfosch deventará fora de sajun »ghost villages« y de sajun turistica alta na sort de »fabrich industriala« che á ma un n fin: le davagan. I savun avisa che ci che á tigní sö cina aldedaincö l'atrativité de nüsc hotí, nüsc paisc, nostes contrades... é l'autentizité, la »anima« te nüsc paisc, fata de jënt scëmpla, families, umilté y laur. Te chisc aspec stá ince nosta forza. Al é n gröm de raiuns dai schi al monn che á de bi implanc y de beles munts... mo che ne tira nia tan, ajache ai é ma implantá iló y nia chersciüs cun storia, cultura y lingaz! Cun vigni porsona che mëss lascé so paisc – te nosc cajo por i prisc da frabiché y vire massa alc – s'un vá n toch de paisc.  (de Iaco Rigo)

Galaria retrac