"I rengraziun la jënt de Südtirol y de döta la Talia por la gran compartezipaziun, les oraziuns numerores y les parores de forza en gaujiun dla desfortüna tragica a Luttach.
N dilan particolar ti vá ai assistënc spirituai, psicologs d’emergënza, polizisć y doturs de pröm aiüt, che é stá atira chiló por nosta fia y aspetâ passa cin’ ores, cina che ara savô olache al ê so fre.
I rengraziun düc i doturs y les infermieres y i infermiers tl Ospedal da Balsan, che socodësc cun gran atenziun y dediziun nosc möt. N dilan lapró ti vá al’aministraziun y al personal de rezevimënt dl Ospedal.
En ajunta oresson sporje n dilan al prou
View the embedded image gallery online at:
https://www.lausc.it/atualite/11720-dilan-de-osc-aiuet-y-ostes-oraziuns#sigProIdb9f4299745
https://www.lausc.it/atualite/11720-dilan-de-osc-aiuet-y-ostes-oraziuns#sigProIdb9f4299745
N dilan lapró ti vá al Consul onorar dla Germania, signur Gerhard Brandstätter, che se dô da fá dër debota por nosc bëgnsté y che ê tresfora por nos chiló y l’é dötaurela. I ti sun ince reconescënc por l’aiüt al Consulat general a Milan, por inom signur Rolando Schmitt, cun sü colaboradus.
Ala fin rengraziunse le Hotel Premstaller a Balsan, che nes á dé spëisa y alberch, y nes á socodí.
Nos ti dijun dilan a dötes les porsones, che i n’ún chiló nia podü anunzié cun inom, che nes é indere tres stades dlungia.
Nosc fi Alexander é tres ciamó en coma. Sües condiziuns de sanité ne s’á nia peioré, mo baldi gnanca mioré. Ajache al é tosc tla condiziun da podëi gní trasporté, vëgnel trasferí fora tla Germania. I ves periun inant, da perié por ël. Nos düc sperun che al suzedes n miraco y che i podunse tosc l’abracé.
La familia"