L fil checen: n leam zenza confins

Data

14 de fauré 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Jon a descorir ensema chesta lejenda de amor e de destin.
La lejenda del fil checen del destin l’é na cherdenza che vegn da l'Asia.

Aldò de la tradizion, jà da canche se nasc, se à leà al dedolin n fil checen. L’autra pèrt la se lea al deit de l’èmena che da gregn scontraron e con chela che jiron a se maridèr e stèr ensema per semper. A cajon de sia mesura, pel sozeder che l fil l se engrope con de etres e che sul vièl de la persona se scontre de gran dificoltèdes, aboncont la cobia la resta leèda fin tel cher.

Aboncont, da olà nascela chesta cherdenza?

La storia la conta de n om de inom Wei, restà zenza père e zenza mère jà da canche l’era nasciù. 

Ja che l’era restà soul, sie soul ensomech l’era se maridèr e aer n muie de fies, aboncont no l’aea mai troà na femena che l lo volesse maridèr e stèr con el. 

Na dì, endèna un de sie viajes, Wei scontra n veie, l Segnor di Maridoc, che l ge disc che sia femena l’à demò trei egn e che l cognarà n spetèr amò catordesc per la maridèr. Mingol endespiajù per la rivelazion, l ge domana amò al veie che che l’é ite tel sach olache l’é sentà jù: chest l ge respon che l’é ite i fii checegn che lea duta la femenes e i omegn. Chest l li farà maridèr, enceben che i scontre dificoltèdes.

Wei, no ge cherdan nience a chesta seconda rivelazion, l ge comana a n servidor de mazèr la beza, coscì dapò el aessa abù libertà de cerner la beza che l volea. Aboncont, l famei no rua a fèr chel che l’aessa cognù, ajache l’à pietà de la fantolina. 

L’om egn dò l scontra na femena de 17 egn e con chesta l se marida. Ela sun sie cef l’à semper na fascia e rué te n moment de intimità, la femena ge conta la verità: n om, acà 14 egn, l ge aea ferì l cef.

Te chest moment l’om se n adèsc de chel che ge aea dit l Segnor di Maridoc e, parlan de chest con sia femena, i doi i se enamora amò de più.




 (Nicoletta Riz )