La Usc di Ladins

La Regiun Trentin–Südtirol á tut la dezijiun da desdí por n iade les lítes de Comun, che ê preodüdes ai 3 de ma. Le presidënt dla Regiun Arno Kompatscher sotescriará incö le decret aladó. La gauja dla desdita é la emergënza "coronavirus", che dominëia n iade la vita da vignidé. Canche les lítes gnará tignides, mëss ciamó gní fat fora plü inant.
Bele en lönesc êl sté plü partis che s’â pronunzié por sburlé les lítes de Comun, sciöche le Team Köllensperger y la Süd–Tiroler Freiheit. Impó menâ fora la Provinzia de Südtirol da sëra n comunicat che le termin ê confermé. Incö spo la desdita ofiziala.  (pablo)