La Usc di Ladins

La Talia é do l’ultim decret dl govern tan co sarada jö feter daldöt. La gran pert dles ativités é stlütes y d’atres stlüj de süa buna. Al crësc ince tres deplü danter la jënt la consapevolëza che la situaziun é da tó söl scerio y che al é important da tigní ite les desposiziuns. Sön Facebook vëigon ince tres plü dites ladines che lascia palsé l’ativité, por respet de sü colaboradus y de sües families. N bel sëgn de solidarieté.
I orun ince nos renové l’apel che i ciafun oramai indlunch: prëibel tignide ite les regoles de comportamënt scrites dant y les mosöres de precauziun. "Stun a ciasa" é le slogan che i orun ince nos dé inant. Al é por se sconé instësc y por sconé i atri.

A os dötes y düc l’aodanza da resté sagns y sigüsc. Deboriada ti la fajunse. Ara se mët pa bëgn indó.  (pablo)