A più che n an da canche l’é jit en doura l Decret Degnità DL 87/2018 – scrif Guglielmi - l’Inps à dat la indicazions per l’aplicazion del smaorament del contribut adizionèl NASpI, da paèr en cajo de renovament di contrac a temp determinà e da setember i datores de lurier cogn aplichèr l 0,5% su ogne renovament de chesta sort de contrac.
Chest smaorament va de contra a la ativitèdes de sajon, desche hotìe, boteighes e sozietèdes de impianc portamont ti raions turistics che, per rejons no senestres da entener, les perveit de
View the embedded image gallery online at:
https://www.lausc.it/atualite/12170-intervegnir-su-la-adizionela-naspi#sigProIdb4bb677358
https://www.lausc.it/atualite/12170-intervegnir-su-la-adizionela-naspi#sigProIdb4bb677358
Per la ativitèdes economiches a carater sajonèl de noscia Provinzia donca l’é la prospetiva de n nef smaorament del cost del lurier de sajon en sajon.
Tegnù cont che la lege de bilanz nazionèla 2020 à stabelì de lascèr fora da l’aplicazion del contribut NASpI i contrac a termin stipulé te la provinzia de Busan per la ativitèdes sajonèles e dò aer verificà che l’assessor competent, en colaborazion con Confcomerz e etres orghegn enteressé a la costion, l’à metù a jir na lingia de azions per ressolver l problem, te la consaputa che la ativitèdes economiches te la doi provinzies autonomes les à carateristiches belebon pervalives, Guglielmi te sie document domana che la Jonta vae inant te l’atività de sensibilisazion ti confronc del goern de Roma per stravardèr la sacotanta impreses che laora aldò de la sajons te noscia Provinzia, ence con l’obietif de agiornèr la definizion de ativitèdes da sajon aldò del D.P.R 1525/1963.
La mozion é stata aproèda ai 4 de mèrz te Consei Provinzièl.
(cri.m)