La Usc di Ladins

Te chësta situaziun ezezionala nia ma por la Talia, mo chisc dis bëgn por döt le monn, á i mediums la funziun responsabla da archité ia le sentimënt y comportamënt emozional y panich dla jënt tres na informaziun ogetiva, y ince da cherié n tlima che ti lascia lerch a sapiënza y fondamënt.

Le tema
L’identificaziun dla bocia y dl ander dla bocia, desco passaja zentrala dl coronavirus ite tl corp uman, catapultëia chësc post a zënter dla prevenziun!

--------------------

La redaziun de La Usc di Ladins s’l’á cuntada cun Michele y Gebhardt Jahns dl Ambulatorium odontoiatrich "Dr. Jahns" a San Laurënz de Puster. Le contignü podëise lí do dodoman tla ediziun nöia!

-------------------

Na cercia fora dl articul:

Nosta vita n’á nia plü dlaurela da trá le fle cun le nes
Al é de morvëia che al ne vëgn baié daldöt nia dla funziun y importanza dl nes! Trá le fle cun le nes é pordërt la manira plü naturala y sana dl’assunziun de aria y ossigen. Nos adorun indere dër gonot la bocia por trá le fle, ciodí pa pordërt? Chësc é döt ater co ütl por nos!
I ún tl nes na armada de mecanisms defensifs – polips – concores nasales: zelules che mangia – zelules che defënn – zelules imunes – macrofags. Chëstes é dötes na sort de verdes dl corp, ares ejaminëia, vigni iade che i tirun le fle, l’aria acribicamënter, apaissenëia corps estranns y partizeles danoses. Renunzié volontariamënter a chësc mür defensif ó dí nia ativé l’implant d’alarm o la camera de control canche an é demez da ciasa: che s’astila pa a chësta manira? La resposta ciafunse tl capitul che vëgn!
I fladun ma plü, tl dër sëns dla parora, tres la vita!

Söl retrat:
Le coronavirus i fej sté sö le fle a döt le monn. (foto: www.who.int)  (Iaco Rigo)