La Usc di Ladins

<Stimá zitadins,
do l’ultima ordinanza dl Minister dla Sanité dl 20 de merz 2020 ne él sëgn nia plö poscibl da jí a pe; an pó ma se möie defora incër l’abitaziun ia respetan la destanza de segurëza da d’atres porsones; chësc vél intant cina ai 25 de merz.

I se scrí ciamó n iade por se perié y se racomané da STÉ A CIASA!
I sun te na gran situaziun de emergënza sanitara, döt le monn é atoché da chësc virus y düc i stac damana la popolaziun da sté a ciasa. Te chësc momënt crëii che al ne sides nia damané demassa. Por chi che ne respeta nia chësta regola él ince controi cun straufunghes y denunzies penales.

I se dëidi recordé che sön la plata dl comun www.comunbadia.it ciafëise les informaziun atuales cun les ultimes regolamentaziuns por combate le coronavirus. Sciöche i savëis, lascé la ciasa pón ma por trëi motifs:
- jí a lauré
- jí te apoteca
- jí a cumpré alimentars che an adora por suravire (al pó ma jí öna na porsona por familia y cumpré ma ci che é veramënter debojëgn).

Ince te nosc comun aumënta vigni de le numer de porsones resultades positives al virus. Sce i orun che le virus vëgnes combatü, spo messunse sté ales regoles, zënza ezeziuns.
I se racomani ciamó n iade da sté a ciasa le plü che ara vá y da mostré osc sëns de responsabilité por osta sanité y chëra de üsc conzitadins. Al é ince n sëgn de respet por dötes les porsones che laora tl ciamp sanitar y fej döt cant por daidé düc chi che adora aiüt, zënza palsa.
Ma sce i tignun düc adöm jarara tosc miú!
Y i se diji ciamó en iade: prëibel stede a ciasa!>