La Usc di Ladins

Deplü dac zënza spëises lapró, deplü menüc de telefonades y d’atres oportunités de chësta sort á le sëns y le fin da ofrí a aziëndes y privac n volum de barat plü gran y plü asvelt por na spana de tëmp limitada (plü o manco por n mëis): chësc vëgn fat por respogne ales nezescités che nasc da n anuzamënt dër massif dl smartwork, dles leziuns de scora a ciasa y al debojëgn da tigní la comunicaziun cun cliënc, amisc y parentela tres telefonn y/o internet.

Söla plata web dl’Autorité por les Garanzies tles Comunicaziuns AGCOM (www.agcom.it) y sön le portal dl Comité provinzial por les comunicaziuns (www.cpc-bz.org) él desponibl la lista dles ofertes di maius operadus de telecomunicaziun.

Le presidënt dl Comité provinzial Roland Turk aconsiëia te vigni caje da verifiché les clausoles dles ofertes y les modalités eventuales de rezes.

 (Iaco Rigo)