La Usc di Ladins

I dac che l’Aziënda Sanitara dl Südtirol á presenté al 1. d’aurí lascia speré che la situaziun se miorëies bel plan tres deplü. Tles ultimes 24 ores él gnü pormez tla provinzia 46 caji nüs, sön 683 tests che an á fat. Chësc é un di valurs plü basc de chëstes edemes. Na buna noela é ince che i posć tla terapia intensiva é restá anfat sön 51, y suradöt che les porsones varides é jüdes sö a 144. Na retificaziun án messü fá pro les porsones che á pordü la vita. Cina ciamó ên restá sön 78, mo iló n’êl nia lapró i 32 caji de mort tles ciases de palsa. Insciö éson a n total de 110 porsones che á pordü la vita cun o por le coronavirus.
Por ci che reverda les valades ladines dl Südtirol,él bëgn gnü pormez 3 caji nüs, mo ince chiló él zifres manco pesoces co tles edemes passades. Lapró é jüdes zoruch les porsones en carantena: 26 demanco por n total de 274, tratan che les porsones che á rové la carantena é chersciüdes de 28 unités rovan a 332. Sperun che la situaziun miorëies tres deplü. Impó él ciamó massa adora da se ralegré o se palsé fora. Se tignun inant ales regoles, spo ti sarunse.

Porsones positives al "coronavirus" al 1. d’aurí da doman (cun desfarënzia respet al de denant)
Sëlva 39 caji (-)
Urtijëi 45 caji (-)
Santa Cristina 22 (+2)
Corvara 18 caji (-)
Badia 22 caji (-)
La Val 9 caji (-)
San Martin 4 caji (-)
Mareo 13 caji (+1)
INDÖT 172 (+3)

Porsones al momënt en carantena al 1. d’aurí da doman
Urtijëi 80 (-3)
Sëlva 45 (-6)
Santa Cristina 26 (+3)
Corvara 25 (-8)
Badia 46 (-9)
La Val 15 (+1)
San Martin de Tor 12 (-)
Mareo 25 (-4)
INDÖT 274 (-26)

Porsones che é stades en carantena y l’á stlüta jö
Urtijëi 127 (+2)
Sëlva 83 (+4)
Santa Cristina 36 (-1)
Corvara 20 (+8)
Badia 21 (+10)
La Val 10 (-)
San Martin de Tor 8 (-)
Mareo 27 (+5)
INDÖT 332 (+28)

 (pablo)