La Usc di Ladins

La comunicaziun da pert dl Vësco Ivo Muser y dl Vicar General siur Eugen Runggaldier i é rovada inier ales ploanies, y dij che al ne sará iniann da d’aisciöda tla Diozeja de Balsan/Porsenú degünes Prömes Santes Comuniuns, mo ares gnará sburlades o a chësc altonn, o al’aisciöda 2021.
Le Vësco y le Vicar general scrí insciö: "Ti ultims tëmps nes él rové alerch plü domandes, sce al podará gní fat les Prömes Comuniuns. Do avëi conscidré la situaziun y les prognoses malsigüdes, á la direziun dla Diozeja tut la dezijiun da sburé les Prömes Comuniuns al altonn 2020 o al’aisciöda 2021."
Chësc cun la motivaziun che al é insciö meso da fá na preparaziun indortöra cun i mituns, mo ince da arjigné ca la mëssa y la festa instëssa. Sburlé desson ince la Pröma Confesciun, dij Vësco y Vicar.


 (pablo)