Y al é ince en chësc ann gnü isté

Data

12 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Comentar de pruma
Ma che al n'é nia n isté sciöche i atri, scebëgn che i vicí y i grili cianta di pra, la scora se röia, i mituns fej la belëita, i paurs vá cun la mascinn da sié... Al é n isté amarscé da n mascherot! Chësc to' de peza vëgn cun nos, por nes avertí y amoní zacó che i messun mëte averda inant da nia ti taché ai atri le virus y por nes sconé dal virus y da le condü inant!
Avëi indos le mascherot sön na pert dl müs dër essenziala por nes y bocia, ó dí ince trá ite l'estern atramënter, y saludé y baié atra­mënter... Le mascherot é chësta merscia de n tëmp nia saurí, che proa sëgn da se daurí sö por l'isté.
Te Südtirol, y ince te d'atres regiuns y provinzies dla Talia, él tomé tröpes limitaziuns antivirus, y les ativités de produ­ziun, vita de familia y tëmp lëde pó indó jí inant. Scebëgn che döt vá inant, vál inant atramënter, ajache le prigo dal corona­virus y dal Covid–19 resta. Y i savun che al vëgn porté inant dantadöt da nos porso­nes... porchël se damana chësc isté, che pé impó tan lëde y bel, la responsabilité de düc. Ciarun da fá bel cun chëstes libertés che i ún indó ciafé derevers, ciarun da respeté nosc laur y tëmp lëde, ciarun da odëi y sintí les cosses, i avenimënc y les sensaziuns sciöche na gran scincunda dla vita!
Mai ti agn passá n'unse conesciü ci che i ún vit y viun dötaurela por le coronavirus, degügn n'ess ponsé che al ess podü sozede n iade de te' problems y stlütes de ativités, de ciases, de assistënza y amur, de fa­mi­lies y porsones intieres! Sëgn che i ún nu ince chësta ambria de nosta esistënza podesson imparé che la liberté y sanité é n gran bëgn y bel donn... y che sce i podun lové indo­man, dí a zacai »bun de« y varié fora de ciasa sunse lëdi – sozialmënter, culturalmënter y politicamënter – y dantadöt sagns y fortuná. I podun tó indó nosc tëmp y nosc ester tla man, por n isté nü – scebëgn che al sará atramënter, acompagné da n mascherot che avertësc y amonësc.  (de Iaco Rigo)

Galaria retrac