La Usc di Ladins

L prum impiant portamont a orir dò l stop per la pandemìa da Covid-19 l’é stat la forenadoa de Ciampedìe en sabeda ai 6 de jugn. Fin al prum de messèl la viajarà da les 8 da doman fin les 13.00 e da les 14.00 fin les 18.00, dò la seghitarà a jir ence dalmesdì.

En jebia ai 11 l’à endò tacà ite sia atività ence la sentadoa de Paolina e con sabeda ai 13 de jugn se podarà endò tachèr a viajèr con la forenadoa de Sas Pordoi, chela de Dèlba-Col di Rosc e chela de Col Rodela e la sentadoes Vaiolet 1 e 2 che ponta via da Pera e rua sun Ciampedìe.

Ai 20 de jugn orirà la cabinovìa de Bufaure e dapò ai 27 de jugn la sentadoes de Col de Valvacin e de Roseal e la cabinovìes de Dèlba-Ciampac, Cianacei-Pecol e de Vauz. Anter la fin de jugn e i prumes de messèl se podarà tor ence duc i etres impianc de la val che porta sa mont escurscionisć, pascioné de jir a crepes e bikers.


Articol entriech su la Usc nr 23 stampèda ai 12 de jugn  (Monica Cigolla)