Conferma por le prof. Paul Videsott

Data

29 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le prof. Paul Videsott é gnü reconfermé sciöche degan dla Facolté de Sciënzes dla Formaziun dla unibz
Chisc dis á le Consëi dl’Université Lëdia de Balsan confermé o nominé i degans de valgünes facoltés. Öna de chëstes é chëra de Sciënzes dla Formaziun, olache le prof. de romanistica Paul Videsott é gnü reconfermé tla inciaria de degan de Facolté, che al ará insciö ince por i proscims trëi agn. Le prof. Videsott ti á presenté al Consëi de Facolté sü planns por l’insegnamënt, la inrescida, sciöche ince chëra che vëgn tlamada la "Terza misciun" - che foss chëra da dé n contribut al svilup cultural, sozial y economich te nosta provinzia. Le prof. Videsott á ince injunté pormez sü dejiders por ci che reverda la strotöra, "deache i laurun inant a n ampliamënt dl campus a Porsenú cun el travert tl tëmp da trasformé nosta Facolté te na gran Facolté de Scienzes soziales y umanes", á dit Videsott.
Dlungia le prof. Videsott, él ince gnü reconfermé le prof. Marco Gobbetti a ce dla Facolté de Sciënzes Naturales y Tecnica. Lapró é le prof. Claus Pahl gnü nominé degan dla Facolté de Informatica. Les inciaries pëia ia ofizialmënter cun le 1. d’otober 2020.