La Usc di Ladins

Recordon la pruma enconteda anter i Ladins dles cinch valedes de Gherdeina, dla Val Badia, de Fascia, Fodom con Col de Santa Luzia y de Ampez, sun l Jouf dl Sela, avisa ai 14 de messel dl 1946, enconteda pro chela che i passa 3000 ladins ruvés adalerch se damanova la reunificazion aministratif-teritoriala. Da la despartizion te trei provinzies y does regions, che dura purmassa da passa 70 agn, ne se àl mudé nia enfin encueicondì: i reston inant despartis aministrativamenter y politicamenter. Nience nia ne n’à muet enchin sen l Referendum di comuns de Souramont dl 2007, ence bele sté dant da passa na deseina de agn. L di 14 de messel é donca important idealmenter a livel interladin. L fin fondamental de chest Di é y resta dagnora chel de se sentì liés anter Ladins, joegn y manco joegn, de vigni valeda ladina per se conesce plu sot, se scoté su l un l auter, audì les desferenzies y les semianzes linguistiches anter i idioms ladins, se confronté, rejoné scì de chestions y problematiches ladines, ma ence de ativités sozio-culturales da porté inant deberieda per l davegnì.

Union Generela di Ladins dla Dolomites