Le De dla Ladinia é preodü dales 11:00 inant cun le conzert dla ciantautura de Fascia Martina Iori y sü cater strumentalisć, dales 13:00 él la daurida ofiziala dl "Ladinia Day" adöm a uniuns y istituziuns culturales ladines che portará dant cina da sëra de vigni sort di Ladins y söa storia.
Le program jará cina incër les ot da sëra, canche l’alpinist Reinhold Messner cuntarà de söes raisc ladines y de söes esperiënzes d’arpizadú fates tles vals ladines. Dales nü da sëra s’injunta la proieziun dl film "Sassolungo", realisé i ultims agn sot la regia de Reinhold Messner por recordé i 150 agn dala "pröma" dl Saslunch. (Iaco Rigo)
"Ladinia Day" a Bornech
Na bona ocajiun por i ghesć y döt Südtirol: Dodoman ai 15 de agost (feragost y Santa Maria dal Cüf) él tl MMM Ripa tl Ciastel a Bornech söl program le "Ladinia Day" cun musiga y cunties, poesies, curs de ladin, referac y jüc. Lapró él gnü ponsé por i pici a n laboratore che se svilupëia sön la storia y tradiziun di piturs y i corusc fasciagn, y a cianties y letöres plajores.
Galaria retrac
View the embedded image gallery online at:
https://www.lausc.it/atualite/13275-ladinia-day-a-bornech#sigProIdcf2fddd946
https://www.lausc.it/atualite/13275-ladinia-day-a-bornech#sigProIdcf2fddd946
