Dai 28 de novëmber cui schi

Data

28 de setember 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le Dolomiti Superski s’arjigna ca a na sajun da d’invern particolara. I pröms implanc dess daurí ai 28 de novëmber. Cotantes les novités
Do n isté che é jü tles Dolomites damí co ci che an minâ, pënson sëgn ala sajun da d’invern. Insciö ince le Dolomiti Superski, che s’arjigna da tó sö la desfida de na sajun olache le "coronavirus" baiará bonamënter para. Scemia che la situaziun é particolara, á les sozietés ince iniann d’isté invié ia laurs por l’amodernamënt de implanc portamunt y dla strotöra da fá nëi, sciöche ince por le mioramënt o la realisaziun de pistes nöies. Chisc é i 9 implanc portamunt nüs, che sostituësc implanc rová ti agn: t’Ampëz l’implant a scagns da 4 "Ra Valles"; sön Plan de Corones la cabinovia "Olang 1+2", tl’Alta Badia l’impalnt a scagns da 8 "Costoratta" y i scagns da 6 "La Brancia"; te Fascia i scagns da 6 "Kristiania", tl raiun de Ciareja l’implant a cabines "König Laurin 1+2", tl raiun dla Marmolada vëgnel indó daurí la sciovia "Arei 2" che ê gnüda danejada da na lovina tla sajun 2015/16, sön le Helm garetel l’implant a cabines "Helmjet Sexten", tl raiun dles Trëi Pizes él la sciovia nöia "Bruggerleite".

Sce döt vá do plan, dessi pröms implanc bele daurí ai 28 de novëmber, plü avisa ti raiuns de Plan de Corones, Cortina d’Ampëz, Ciareja, Trëi Pizes, Val de Flëm/Obereggen, San Martin de Castrozza y Ciuita. I atri raiuns ó daurí l’edema do, sciöche Gherdëna/Munt de Suc ai 4 de dezëmber, l’Alta Badia y Fascia ai 5, le medemo dé ince la Sellaronda Skitour. La sajun da d’invern dess jí tla maiú pert di raiuns cina ai 11 d’aurí, sön Plan de Corones y tl raiun de "Ra Valles" cina ai 18.  (pablo)