La Usc di Ladins

Le tëmp ne comanon nia, dij n proverb. Insciö gnanca chësta domënia, olache an s’á descedé tles valades ladines cun na cutra de nëi. Ince ales basses, sciöche an pó odëi tla fotografia, fata a Al Plan. Vëndres y sabeda án ciamó podü se gode dui de beliscimi dis d’altonn, y ince i lëgns da fëia se vist ciamó n iade i plü bi corusc, denanche lascé jö les fëies. En sabeda domisdé él gnü n frunt frëit, che á porté suradöt tla nöt cotan de plöia y spo bel plan ince nëi. Chësta domënia dessel ciamó ester valgamia prezipitaziuns, dantadöt te nosta pert a ost dla provinzia. Mo bele indoman dessel ester indó da sorëdl, ciamó deplü le mertesc, dij le sorvisc meteorologich dla Provinzia de Balsan. I sun feter amez otober, la nëi n’é nia val’ fora dal normal te chësc tëmp, mo impó sperunse che le mëis nes scinches ciamó de bi dis soredlá.  (pablo)