Sul destin de la Marmolèda la vijions é amò desferentes. Zachei seghita a pissèr che sie besegn de ruèr fin sunsom ence da la man trentina, etres disc che no l’é più tempes e condizions per jir de chel vers e che la soula strèda l’é pissèr e sporjer perferides alternatives, che comporta manco cosć tant economiches che ambientèi: chela proponetes che se ouc a na sort de turism che n’outa vegnìa chiamà »de nicia«, ma che é dò a crescer e se slarièr fora semper de più.
L prum vèrech, aboncont, tant per respet de la »Reìna« e de l’ambient che per ge sporjer ai ghesć na parbuda da no cogner se tegnir de mèl, fossa chel de tor demez duta la feracia e l peton che l’é amò su la Marmolèda, e che l smendrament de la giacia fèsc sutèr fora a na vida semper maora e più orenda.
Resć de veies impianc e strutures arbandonèdes ti dejenees é defat resté te chest raion patrimonie Unesco, dajan na vijion de dejodech e slegrarìa dassen trista e zompa.
Per chest Guido Trevisan, gestor del refuge Pian di Fiacons e Franco Tessadri, president de Mountain Wilderness, i à envià via na petizion, che l’à arjont 4500 sotescrizions.
De più su La Usc stampèda de vender ai 6 de november 2020. (lg)
Marmolèda: tolon demez la feracia e l peton veie!
L gestor del refuge Pian di Fiacons Guido Trevisan e l president de Mountain Wilderness Franco Tessadri à tout sù 4500 sotescrizions che é states consegnèdes al Consei provinzièl de Trent.
Galaria retrac
View the embedded image gallery online at:
https://www.lausc.it/atualite/13900-marmoleda-tolon-demez-la-feracia-e-l-peton-veie#sigProIdb9fbd68952
https://www.lausc.it/atualite/13900-marmoleda-tolon-demez-la-feracia-e-l-peton-veie#sigProIdb9fbd68952