La Usc di Ladins

L’Ofize Cultura ladina y Jonëza lascia alsavëi che por rajuns tecniches él ai 15 de novëmber 2020 l’ultim termin por dé jö les domandes do contribuc por investimënc culturai. Aladó dl art. 8 dla deliberaziun dla Junta Provinziala nr. 344/2020 pó fá domanda les lies culturales che fej adatamënc digitai, por podëi pité sorvisc ince online. Al pó gní conzedü contribuc cina al 95 porcënt.

Ci pó pa gní finanzié?
- Hardware y software, lizënzes por plataformes IT, por video – online y conferënzes audio;
- la cumpra y l’espanjiun dla banda leria;
- spëises por realisé o atualisé la plata web.

Criters
I contribuc vëgn partis fora cina che al é finanziamënc a desposiziun y vëgn conzedüs aladó de chisc criters de cualité:
- inovaziun dl proiet de investimënt;
- coerënza dl proiet de investimënt;
- sostenibilité dl investimënt.

L’Ofize lascia ince alsavëi che an pó fá domanda por proiec digitai, artistics y publicaziuns ciamó dl 2020. Ince chiló velel le termo di 15 de novëmber, por che al pois ciamó gní traté dötes les domandes. Por informaziuns plü menüdes pón scrí ala mail culturaladina@provinzia.bz.it o cherdé sö le numer 0471 417021.