Südtirol vëgn raiun cöce

Data

08 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Cun indoman vëgn döta la provinzia de Balsan classificada sciöche raiun cöce
Do dis y dis che la provinzia de Balsan classifichëia tres plü comuns de Südtirol sciöche raiuns "cöci", tolon sëgn le provedimënt por döt le teritore. La Junta Provinziala á fat fora che cun indoman lönesc ai 9 de novëmber sará döta la Provinzia raiun cöce. Chësc nes confermëia ince l’assessur Daniel Alfreider.

La dezijiun é tomada do le numer tres maiú de infeziuns "corona", che mët dassënn sot a presciun les strotöres sanitares y manacia da jí daldöt fora de control. Na conferma án ince ciafé tles ultimes 24 ores, sciöche an pó lí chiló: (https://www.lausc.it/atualite/13926-virus-tl-suedtirol-i-piec-dla-talia)

La classificaziun sciöche raiun cöce comporta na linia de restriziuns implü:
p.e. pón ma plü jí fora dl comun por rajuns de laur, sanité o nezescité, y chësc cun na autozertificaziun; al vëgn stlüt ince düc i sorvisc ala porsona (estetistes, frisers, etc.), cun ezeziun de lavandaries y agenzies funerares; al é conzedü da fá sport individual y ince da jí a spazier, n punt de domanda él ciamó sce al vëgn conzedü da le fá ma tles vijinanzes dl’abitaziun o tl teritore comunal; tles scores vëgnel ma plü pité leziuns en presënza cina ala 1. mesana (oblianza de mascherot por düc), tratan che dala secunda mesana inant él da fá didatica a destanza

La dorada dl provedimënt y les mosöres plü avisa gnará fora tl decret

Galaria retrac