La Usc di Ladins

No se trata demò de ideologìes democratiches, libertaries, verdes, republicanes, o de duta l’autra ideologìes: se trata de binèr sot la bandiera de la democrazìa e de sie valores n Paìsc spartì en doi tant da sie oramai ex-President che da sie medemi sentadins. I Stac Unii jà da sia Indipendenza proclamèda del 1776 i à semper combatù sot l’inom de la democrazìa e de l’ensomech american, l’»American Dream«. American Dream che, con la venta de la cobia Biden-Harris, ciaparà na utèda più ‘umèna’, più vejina a l’esser comunanza unida da sie valores, purampò tegnan semper en conscidrazion la realtà capitalista su chela che se fona l Dream medemo.
Biden su Twitter à scrit: »Son l President de duc i americhegn, che tu te aesses votà per me o no« e chest, per nos europeegn, pel someèr n pensier banal, aboncont, te n Paìsc zarà en doi da divijions, l’é zeche de dassen fort. Costions relatives ai deric umegn, ai ambic economics e strategics, a la situazion climatica, ma ence che revèrda soraldut la discriminazions, desche chela razièles, che les à portà a na spartijion radicala anter suprematisć bienc e afroamerichegn: a chesta problematiches l nef President cognarà ge fèr front.

De più su La Usc 45 di 13 de november 

 (Matteo e Nicoletta Riz)