La Usc di Ladins

Tles ultimes 24 ores él gnü pormez tl Südtirol 694 caji nüs de Covid–19, sön 3.437 tampons fac. Les porsones mediades ti reparc normai di ospedai é sëgn indöt 338 (+8 respet al de denant), tles cliniches privates él 110 paziënc (+12), tles strotöres a Gossensass y Sarns 97 (-20), tla terapia intensiva 42 (sciöche le de denant). Baldi án indó messü tó comié da 6 porsones, che á pordü la vita por o cun le coronavirus.

Valades ladines: 32 caji
Tles valades ladines él gnü pormez tles ultimes 24 ores bëgn 32 caji nüs: 18 te Gherdëna y 14 tla Val Badia. I caji nüs é: 4 tl comun de Urtijëi, 9 tl comun de Sëlva, 5 tl comun de Santa Cristina, 1 tl comun de Corvara, 1 tl comun da La Val, 1 tl comun da San Martin y 11 tl comun de Mareo.

Mareo é particolarmënter atoché. Incö ál bëgn 46 caji atifs, tröc de chisc gnüs pormez te püc dis: 3 caji êl sté ai 7 de novëmber, 10 caji ai 8 de novëmber, 5 ai 9 de novëmber y tles ultimes 24 ores indó 11 caji.

Caji atifs ti comuns ladins (tla parentesa i caji gnüs pormez tles ultimes 24 ores)
Corvara 9 (+1 caje nü)
Badia 16 (-1)
La Val 11 (+1)
San Martin 13 (+1)
Mareo 46 (+11)
Urtijëi 25 (+4)
Santa Cristina 12 (+5)
Sëlva 13 (+9)
INDÖT: 145 porsones atualmënter positives tles döes valades ladines

Porsones en carantena ti comuns ladins (cun variaziun respet al de denant)
Corvara 3 (+3)
Badia 11 (+1)
San Martin 23 (+0)
La Val 18 (+10)
Mareo 57 (+1)
Urtijëi 31 (+4)
Santa Cristina 8 (+0)
Sëlva 4 (+1)
INDÖT: 155 porsones en carantena tles döes valades ladines


I inviun la popolaziun da se tigní ales regoles de comportamënt responsabl, por che i podunse düc deboriada bel plan gní fora da chësta situaziun  (pablo)