En mercui ai 18 de novëmber á la Junta Provinziala traté le tema dles scores y scolines en presënza. Do che ares é chëst’edema stades stlütes, án tut la dezijiun che cun en mertesc ai 24 de novëmber gnarál indó daurí – altamo en pert. En chël de podará i mëndri indó jí ala scolina y ince les strotöres de assistënza por i pici cina 3 agn dauriará indó les portes.
Leziuns de presënza ciafa spo ince dötes les classes dles scores elementares. Atramënter pro i atri degrá de scora: sides tles scores mesanes (ince la pröma) che tles scores altes y universités, sarál inant la didatica a destanza.
Na lëtra daverta dles consultes di geniturs
Chisc dis él ince sté les rapresentantes dles consultes di geniturs che á mené fora na lëtra daverta: Heidrun Goller por la consulta todëscia, Barbara Passarella por la consulta taliana y Noemi Frontull por la consulta ladina. Tla lëtra se damaneres dala politica dl Südtirol che les scores de vigni degré vëgnes indó daurides.
I podëis la lí t’La Usc di Ladins di 20 de novëmber (pablo)
Südtirol: en mertesc indó a scora (elementara) y scolina
Do n’edema de stlüta, sarál en mertesc ai 24 de novëmber indó scora y scolina en presënza
Galaria retrac
View the embedded image gallery online at:
https://www.lausc.it/atualite/14008-en-mertesc-indo-a-scora-elementara-y-scolina#sigProId371275191e
https://www.lausc.it/atualite/14008-en-mertesc-indo-a-scora-elementara-y-scolina#sigProId371275191e