Scola: Apel y nvit à to pert ai tesć de massa dl Sudtirol

Data

19 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I trëi assessëures per la furmazion y i sindacac per la scolines, la scoles y i maestri fej n apel a se lascé testé n chësc fin dl’ena
L assessëur per la scola ladina Daniel Alfreider adum cun si colegs Philipp Achammer y Giuliano Vettorato, y i sindacac per l personal dla scolina y dla scola nvieia duta la zitadines y duc i zitadins dl Sudtirol a se lascé fé i tesć che vën pitei n chësc fin dl’ena te duc i Chemuns dl Sudtirol.

Son duc adum cherdei à zaré via la ciadëina de nfezion y perchël ie duta la zitadines y duc i zitadins cherdei a fé l test. Te na videocunferënza tenida ncuei 19 de nuvëmber ie dutes y duc unic a una che l travert ie chël de stravardé sibe la sanità sibe nce l’atività dla scolines y dla scoles.

Acioche chësta azion garate iel de bujën che trueps feje l test. Perchël porta uni una y uni un pro, fajan l test, che l se spander ora dla nfezions vënie sarà ite. Iust na partezipazion sterscia dla pedagoghes y di pedagogs y de dut l personal dla scolines ie de mpurtanza per pudëi inò jì debota de reviers al acumpaniamënt pedagogich y al nseniamënt n presënza.

L travert ie pu chël de stravardé sibe la sanità sibe nce l’atività dla scolines y dla scoles y de dejëujer chësta atività l plu che la va n presënza. Dlongia i trëi assessëures per la furmazion à nce la ntendënta ladina, la diretëura dla scoles provinzieles tudësces, l ntendënt dla scoles talianes y de plu reprejentantes y rapresentanc dla furmaziun y di sindacac per la scolines y la scoles tëut pert ala cunferënza video.

Da n vënerdì ie te duta la provinzia ntëur n 645 uniteies a despusizion a fé i tesć per la persones dai cin ani insù. La puscibiltà de se lascé testé dl Coronavirus ie debant y sun basa ulentera. (comunicat ufiziel dla provinzia)