La Usc di Ladins

Ci che an pó dí sëgn, é che termins n’él ciamó degügn por na daurida poscibla dla sajun da d’invern y di lifc. Le presidënt dla Provinzia de Südtirol y l’assessur ala mobilité Daniel Alfreider é dl arat che "al é ciamó massa adora da baié de dates, ci che i podun fá é intratan arjigné ca les modalités y i intervënc por daurí te döta la sigurté!"

Le Dolomiti Superski á naota bele döt arjigné ca por la daurida "te döta la segurëza", sciöche an pó lí te n comunicat stampa.

Le presidënt Kompatscher á incö do la sentada ordinara dla Junta provinziala a Balsan baié dles bones poscibilités da daurí deplü ativités de comerz y sorvisc ala porsona bele te otedé (en lönesc), y d’ater – sciöche ince restoranc y bars – ai 4 de dezëmber 2020. Dezisiva é la ona de chersciüda o decremënt dles infeziuns a livel local y provinzial!

 (Iaco Rigo)