Südtirol: defata regoles plü morjeles

Data

24 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Cun l’edema che vëgn vëgnel smorjelé valgünes restriziuns, ciamó deplü cun i 4 de dezëmber
Do les edemes de lockdown y la gran campagna de test vëgnel les prömes bunes noeles: cun l’edema che vëgn gnarál smorjelé te Südtirol valgünes restriziuns: chësc é gnü fat fora incö ai 24 de novëmber dala Junta Provinziala.

Dai 30.11. inant
Dai 30 de novëmber ai 3 de dezëmber valará tl Südtirol les regoles di atri "raiuns cöci" dla Talia. Chëstes é plü lisiries co chëres ch’i un al momënt te nosta provinzia. "Al vëgn daurí de plü ativités comerziales y an pó ince indó fá i marciá di paurs. Frisers y estetistes pó ince indó daurí y i scolars dla pröma mesana vá indó a scora en presënza", á anunzié le presidënt Arno Kompatscher.

Dai 4.12. inant
Dal vëndres ai 4 de dezëmber dess spo valëi les regoles preodüdes por i "raiuns ghei". Kompatscher spliga: "Chësc ó dí che le comerz pó daurí daldöt, insciö ince bars y restoranc, cina ales 18:00; la scora mesana passa döta indó tles leziuns en presënza y les ativités economiches pón desfiré cun manco restriziuns."

Se tigní inant ales regoles de basa
Kompatscher á splighé che al ó ester inant na gran desponibilité da pert dla jënt por tigní ite les regoles: evité amudlamënc de porsones, avëi le mascherot, tigní les destanzes y se lavé gonot les mans. Por tigní sot a control la situaziun dles infeziuns, gnarál fat inant tröc tesć.