Incö se roda döt incër le presidënt nü Joe Biden y süa vize Kamala Harris che dará joramënt solënn a Washington y tolará spo ite la funziun tla Ciasa Blancia.
Joe Biden é nasciü dl 1942 y é insciö cun 78 agn un di presidënc plü vedli dla storia americana. Lapró se detlarëiel de confesciun cristian-catolica; cina sëgn é chësc ma sté un n iade le caje danter i presidënc dl’America: cun J.F. Kennedy.
Biden é sté dal 2009 al 2017 (döes legislaziuns de 4 agn la öna) tla era de Barack Obama vizepresidënt di USA. De profesciun él avocat. Al á na gran esperiënza tla politica internazionala y europeica. Al intern di Democrac s’aratel n moderat.
(Iaco Rigo)
N gran de por Joe Biden
Aladó dla tradiziun dá i presidënc nüs dl’America joramënt ai 20 de jená da misdé (ora locala dl Capitol). Incö ti tóchera al democrat y presidënt Biden che surantol le "sceter" da Donald Trump (che se sará nia ala pert dl insediamënt)
Galaria retrac
View the embedded image gallery online at:
https://www.lausc.it/atualite/14566-n-gran-de-por-joe-biden#sigProId159d37194d
https://www.lausc.it/atualite/14566-n-gran-de-por-joe-biden#sigProId159d37194d