Iscriziuns ales scores altes: Consulënza y orientamënt scolastich

Data

20 de jené 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Cina ai 15 de forá pó scolares y scolars dla terza mesana se scrí ite te na scora alta o profescionala. Inann él gnü amplié l'informaziun online.
Dai 15 de jená ai 15 de forá dl 2021 pó scolares y scolars dla terza mesana se scrí ite al ann de scora 2021/22 te na scora alta o profescionala de Südtirol. Por ti pité n’informaziun ampla y ajornada pita le Ofize Orientamënt scolastich y profescional na suravijiun de dötes les scores y de dötes les ofertes de formaziun tl Südtirol.
La plata pita informaziuns sön les materies prinzipales de vigni scora y ci interes che les scolares y i scolars dess avëi por frecuenté na scora o l’atra. An pó ince se informé spo diretamënter sön les plates internet dles singoles scores, ince deache inann n’él nia meso da pité i dis dla porta daverta en presënza.
Por ci che reverda les scores altes ladines él l’Istitut Tecnich Economich Raetia a Urtijëi (www.iteraetia.it), les Scores altes da La Ila (www.ll-itc-laila.it) - Lizeum dles Sciënzes Umanes, Lizeum Linguistich, Istitut Tecnich Economich - y le Lizeum artistich y dla Scora profescionala Cademia a Urtijëi (www.cademia.it).

Implü pón ince se informé tres na incuntada cun n aconsiadú dl monn dl laur dla Provinzia, en presënza o online. Por iscriziuns contaté l’Ofize Orientamënt scolastich y profescional tla strada Andreas Hofer 18 (tel. 0471 413350), online o ince pro les sëntes sön döt le teritore provinzial, danter l’ater a Picolin y Urtijëi. Chësc é le sît online: http://www.provinz.bz.it/bildung-sprache/ausbildungs-studien-berufsberatung/beratung/berufsberatung.asp